burt með vandamálið

Það er undarleg röksemd fyrir háum vöxtum á skuldir heimila og fyrirtækja að það verði að borga aðilum, innlendum eða erlendum, svimandi vexti svo þeir fari ekki með fé sitt úr landi.

Við vitum að krónan er of lágt skráð miðað við vöruskiptajöfnuð landsins, svo að til lengri tíma litið ætti hún að hækka, sem sagt við ættum að geta boðið lægri vexti en önnur lönd en verið samt samkeppnisfær um fjármagn.

Einfaldasta lausnin, og sú rétta, er að lækka stýrivexti hér strax niður í 4% og halda gjaldeyrishömlunum í smá tíma t.d. 3 vikur á meðan eigendur þessara bréfa eru að átta sig á því að þau eru ekki mikils virði. Síðan má aflétta gjaldeyrirhömlum og þá fellur krónan eins og steinn á meðan bréfin fara úr landi. Ef við gefum okkur að þessi bréf séu 500 miljarðar og krónan fellur um 50% í viðbót við það sem orðið er og bréfunum er skipt í gjaldeyri á því gengi þá er vandamálið ekki nema 250 miljarðar miðað við núverandi gengi og verður ekki nema 200 miljarðar þegar krónan hefur náð jafnvægi. Semsagt þetta er ekki eins stórt mál og menn skyldu halda. 

Það er miklu stærra vandamál að halda þjóðinni fastri í vaxtaokri. 

Vill semja um krónubréfin

Athugasemdir

[ingi (IP-tala skráð) 17.2.2009 kl. 16:07]

Þú veist væntanlega að þetta er ekki alveg svona einfallt enda væri þá laungu búið að leisa þetta.

Miðað við núverandi innstreimi (og fyrirsjáanlegt) gjaldeiris þá tekur um 6-8 mánuði að borga út þessi bréf, á meðan má búast við að gengið verði einhverstaðar rétt fyrri neðan alkul, verðtrygging og mun hærra vöruverð gerir gott betur en að ganga frá vel flestum heimilum og fyrirtækjum á þeim tíma og það jafnvel þótt að við mundum með einhverjum barbabrellum fjarlæga verðtrygginguna á meðan.

Ef þetta tæki bara 3 vikur eins og þú ert að vona þá væri þetta ekkert mál.

[Fransman (IP-tala skráð) 17.2.2009 kl. 20:57]

Ok, síðan er verðið á evruni komið í 600 Kr ..

Þá þarf að kaupa inn vörur frá útlöndum ..