Vitlaust viðmið

Það er grundvallar galli á verðbólgumælingu og notkun hennar hér á landi. En það er auðvelt að laga þetta og kostar ekki lagabreytingar.

Verðbólgan er mæld eftir neyslukörfu sem er mismunandi eftir því hvaða vísitölu á á mæla. Niðuestaðan er svo notuð til að ákveða vexti og verðbætur á lánin okkar. Seðlabankinn og allir stjórnmálamenn trúa því að hækkun vaxta dragi úr verðbólgu, en þetta er misskilningur. Þessi kenning á við í stórum hagkerfum þar sem menn nota einn gjaldmiðil. Við notum krónu, marga erlenda gjaldmiðla og svo vísitölubindingu. Vaxtahækkun krónu hefur aðeins áhrif á neyslu okkar og lán í krónum. Þar sem krónan er í raun mjög lítill hluti af hagkerfi okkar þá hafa vaxtahækkanir þau einu áhrif að draga meira fé til bankanna en óveruleg áhrif á verðlag.

Munum að vísitalan er mælikvarði á verðlag en ekki eftirspurn eða neyslu.

Ef menn vilja endilega halda í vísitölubindingu þá er einfalt að miða við launavísitölu að frádregnum hagvexti, og fæst þá verðtrygging sem er í takt við greiðslugetu fólks en ekki í takt við duttlunga markaðarinns.

 

Spá aukinni verðbólgu