Orðarugl og annað rugl

Nafneftirspurn, framleiðsluspenna, Slaki, hvers konar bull er þetta. Menn sem geta ekki komið skoðunum sínum frá sér á skiljanlegu mannamáli geta ekki hugsað skýrt sjálfir.

Launakostnaður hærri en í öðrum iðnríkjum, hvar hafa þessir menn verið, lesa þeir ekkert nema það sem þeir skrifa sjálfir.

Við íslendingar búum við mjög stöðugt hagkerfi. Okkar helsta atvinnugrein fiskvinnslan er einhver stöðugasta atvinnugrein í heimi. Ál vinnslan byggir fyrst og fremst á sölu raforku sem er stöðug að miklu leiti og launagreiðslum sem eru stöðugar. Túrisminn er umfangsmikill en ekki mjög tekjuskapandi.

Það sem veldur óstöðugleika á Íslandi er fyrst og fremst vaxtaokur Seðlabankans og viðskiptabankanna, ásamt óraunsæjum kröfum lífeyrissjóða og fjárfesta um arðsemi.

Þessir tappar í Seðlabankanum hafa eflaust lært mikið í hagfræði en þeir virðast ekki hafa mikla hæfileika til að meta aðstæður í þjóðfélaginu.

Vextir af 30m kr húsnæðisláni eru t.d. 200.000 kr hærri á mánuði hér á landi en í Noregi. Ef vextir væru sambærilegir hér og í Noregi þá mundi ríkisjóður fá 90.000 af þessu í skatta og einstaklingar 110.000. Eins og staðan er í dag þá fá bankarnir þetta allt og dæla því svo út úr landinu.

Það er kominn tími til að dæla mannskapnum út úr Seðlabankanum, og bönkunum.

Hvers vegna eru vextir hærri hér?