Smá misskilningur

Þó svo að fólk kaupi beint erlendis frá í gegnum einhverja netsíðu, er ekki verið að flytja verslun úr landinu. Það eina sem verið er að gera er að sleppa úr milliliðum á Íslandi. Þetta getur stundum verið mjög hagkvæmt fyrir neytandann, en auðvitað missir verslunareigandinn í Kringlunni spón úr aski sínum.

Ef fólk vill ræða þetta þá verður að gera það á réttum forsendum. Viljum við auðvelda fólki að kaupa beint á netinu eða viljum við gera fólki það erfiðara.

Það er spurninginn.

 

Netverslun færir tekjur úr landi

Athugasemdir

[Hábeinn (IP-tala skráð) 10.10.2014 kl. 11:33]

Það er rangt, það er ekki það að verið sé að sleppa úr milliliðum á Íslandi það er verið að velja annan millilið. Valið stendur um hvort smásala erlendis eða smásala innanlands fær borgað fyrir að vera milliliður milli þín og framleiðanda. Smásala innanlands greiðir skatta og gjöld innanlands og veitir atvinnu innanlands. En þegar verslunareigandinn í Kringlunni missir spón úr aski sínum þá eykst atvinnuleysi og minni skatttekjur eru til reksturs heilbrigðiskerfisins. Tekjur sem annars færu í að bæta hag okkar allra fara í hagkerfi Hong Kong og gagnast okkur ekkert. Til lengri tíma orsakar þetta einnig minna vöruframboð og hærra verð í verslunum innanlands.

[Hörður Þórðarson, 10.10.2014 kl. 18:39]

Íslenski kaupmaðurinn kaupir væntanlega vöruna af einhverjum, Hábeinn. Ef íslenskur neitandi kaupir af sama eða svipuðum aðila, þá kemur það í sama stað niður.

Hvað varðar atvinnu, er ekki betra að hafa fólk í vinnu við eitthvað sem kemur þjóðarbúinu til góða, til dæmis við byggingar, vegagerð, menntun, heilsugæslu, fiskiðnað og ferðamannaiðnað, frekar en að standa allan daginn í búð og selja vörur sem fólk gæti fengið ódýrari annars staðar?

Svona virkar einfaldlega frjáls markaður og hagræðið og skilvirkinin sem honum fylgir kemur öllum til góða. Að vera með einhverja verndaða vinnustaði fyrir fólk sem er fullkomlega heilbrigt er ekki góð stefna. Fólk ætti að vera að vinna við það að skapa verðmæti. Ekki við það að leggja steina í götu náungans.